Lenker Tradition ade!

E chli anders als sorgfältig gstüreti Alpsummer-Taga a der Lengg, umds Altersheim Halte, wo Schneiders mit guete Lüt i 25 Jahr sorgfältig u guet he ufboue, isch i churzer Zyt sidhär, ohni jeglichs Verständnis u Liebi zur Natur, missachtet u kaputt gmacht worde.

25 Jahr he die schönschte Granium d’Balkön gschmückt, was ja o sid jehär isch Lengger Tradition u Bruchtum gsi, zur Früd vo allne Bewohner. Het nieme törfe si. Gly het der Arvebusch müesse verschwinde, de isch di schöni roti Tanne dracho. Die het mu mitemne Wysstannli ersetzt, u dem grad der Spitz abghoue. Nähär isch de wunderschön Lindeboum verchrüpplet worde, darf nie Blüete übercho, wo im Summer so herrlich schmöcke u ja für d’Luftreinigung bekannt wäre.

Di drüstämmigi kärngsundi Före, wo o so würzig het duftet, het o furt müesse. Strücher a der Huuswand tuet mu met Steinä anstatt met Härd decke, dass de gäng umi verdorä, interessiert wäder d’Senevita no d’BetriebsKomission. Letzti het nume billigi Usrede, wo zum Teil nid stimme. Was sägä de d’Lüt, wo das vor 30 Jahr he gsetzt? Das cha alz ahgluegt wärde bi sorgfältig gstürete Alp-Summertaga. Sami Schläppi