Cookies erleichtern die Bereitstellung unserer Dienste. Mit der Nutzung unserer Dienste erklären Sie sich damit einverstanden, dass wir Cookies verwenden. OK Weitere Informationen

Usem Simetaler Wortschatz

rating rating rating rating rating

Tume, tùmm, tùùme, tûûme

Tume: Sit Fritz de Tumenagel ewägg het, trììt er e Tümlig. Ds Mììti tümelet nù ging.

D Mueter het mer de Tümlig a mi Hendsche nüw glismet. Sùm melche tümlige ù sùm hempflige. Vom Hensi hìì si gsììt: Är tschuteret sis Chueli, aber z’grächtem Schum melche chan er net. Das het er net ùsem Tume gsùge (ist ihm nicht selber in den Sinn gekommen). Nils Holgerson ìscht ìn e tùmesgroessa Zwärg verwandlet worde.

Tùmm: Sprichwort: Äs ischt kìna so tùmm, das’s net nùch e Tûmmera git. Tùmm ù ging tûmmer. Menga vertùmet ìm Aalter. Ù menga het sis Sachli scho ì jüngere Jaare vertùmet. Ischt doch där Laferi e tùma Hùnd! «We mù di Tûmi müessti verstüre, sù wéescht dù der höejscht mìt de Stüre ìr Gmìì.» Di Tümi ischt mengischt nù strüber wa d Böesi. Vergleich: «We dù esoe groessa wéescht wi tùma, chenntischt dù chnöuwligse ùbere Wildstrùbel ùberhi chotze.»

Tùùme (dampfen): Teck ds Ross, äs tùùmet. Ds nass Schìndeltach tùùmet ìr Sùne. D Chùchi ìscht voli Tùùm. Dûr di tùùmige Schibi usi gséet mù schlächt.

Tûûme oder auch tööme (Dampf inhalieren): Tue dù mit Kamilethee tûûme. Wends ùf der Brùscht hescht, sù tûûm! Früejer het mù viel mit Höuwblüemd tûûmet.

Erstellt am: 06.12.2019

Artikel bewerten

rating rating rating rating rating
Kommentare
Interessante Artikel